Այս համացանցային պորտալը լուսաբանելու է տարածաշրջանի անցուդարձը, ամենօրյա նորությունները գյուղերից և քաղաքներից, ներկայացվելու են նաև` շնորհավորանքներ, մահախոսականներ, հայտարարարություններ, այլ կարգի տեղեկություններ, կատարվելու են օն-լայն հարցումներ Ջավախքի մասին, բնակավայրերի, ջավախքցիների և նրանց նոր գրքերի մասին, ԶԼՄ-ների տեղեկությունները տարածաշրջանի վերաբերյալ, տեղադրվելու են Ջավախքի մասին նկարահանված ֆիլմեր:

Համացանցային պորտալը միաժամանակ լինելու է նաև Ջավախք հանրագիտարանի կայքը, ներառում է Ջավախքի պատմությունը, աշխարհագրությունը, տնտեսությունը, բուսական և կենդանական աշխարհը, մշակույթը, ճարտարապետական հուշարձանները, գյուղերն իրենց պատմությամբ, նշանավոր մարդկանց կենսագրությունները' դիմանկարով, ինչպես նաև լուսանկարներ և քարտեզներ: Կայքը նաև հնարավորություն կընձեռի, որպեսզի համաժողովի (ֆորումի) օգնությամբ բոլոր ցանկացողները կարողանան հաղորդակցվել միմյանց հետ:

Կայքի այն էջերը, որոնք դեռ դատարկ են, ուրեմն դրանց նյութը դեռևս մշակման, խմբագրման, սրբագրման և թվայնացման գործընթացում է, որի համար մենք մեր շնորհակալությունն ենք հայտնում Ձեզ` մեր գործունեության և Ջավախքի հանդեպ ցուցադրած հետաքրքրության համար և հայցում ենք Ձեր ներողամտությունը հնարավոր անհարմարության համար: Համեցեք, մենք ձեզ սիրով սպասում ենք:

Հարգանքներով` «Ջավախք» հանրագիտարանի և Ջավախքի համացանցային պորտալի հեղինակ ու գլխավոր խմբագիր Սերգեյ Խուդավերդյան