Ջավախք հանրագիտարան

Ծնվել է 1937 թ. փետրվարի 12-ին Բոգդանովկայի (այժմ` Նինոծմինդա) շրջանի Սաթխա գյուղում: Հ․ Սանոսյանի հայրն։ 1956-61 թթ. սովորել է Երևանի Խ. Աբովյանի անվ. հայկական պետական մանկավարժական համալսարանի պատմալեզվագիտական ֆակուլտետում:

1961 թ. սեպտեմբերից նոյեմբեր ամիսներին աշխատել է Սաթխայի միջնակարգ դպրոցում, որպես պատմության ուսուցիչ: 1961-63թթ. ծառայել է Խորհրդային բանակում, զորացրվելուց հետո, հայրենի գյուղում շարունակել է մանկավարժական գործունեությունը: 1970 թ. նշանակվել է Օրոջալարի միջնակարգ դպրոցի տնօրեն: 1971-74 թթ. աշխատել է Սաթխայի միջնակարգ դպրոցի տնօրեն: 1974-1989 թթ. կատարել է ուսմասվարի պարտականությունները: 1989 թ. տեղափոխվել է ՀՀ Նաիրիի շրջանի գյուղ Բուժական և աշխատել գյուղի դպրոցում, որպես պատմության ուսուցիչ:

1996 թ. պաշտպանել է թեկնածուական ատենախոսություն և ստացել պատմական գիտությունների թեկնածուի գիտական աստիճան:

2002 թ-ից զբաղվում է գործարարությամբ, հիմնելով «Արտյուշ Սանոսյան և որդիներ» ՍՊԸ-ն, մասնագիտանալով կտավատի ձեթի արտադրությամբ:

Ա. Սանոսյանը մանկավարժական գործունեությունը համատեղել է գիտական աշխատանքի հետ, զբաղվելով պատմագիտությամբ և հնագիտությամբ: Հեղինակել է բազմաթիվ հոդվածներ ու «Ախալցխայի և Ախալքալաքի գավառների 1918 թ. ինքնապաշտպանությունը» գիրքը: