Ջավախք հանրագիտարան

Ծնվել է 1925 թ. հոկտեմբերի 17-ին, Թբիլիսիում, Ախալցխացու ընտանիքում: 1943 թ. զորակոչվել է զինվորական ծառայության: 1944 թ. ավարտել է Կրասնոդարի գնդացրա - ականանետային ուսումնարանը և անմիջապես ուղարկվել է պատերազմ: 1946-1951 թթ. սովորել է Երևանի պետական ճարտարագիտական համալսարանի էլեկտրատեխնիկական ֆակուլտետում:

Ավարտելուց հետո գործուղվել է Երևանի նորակառույց էլեկտրալամպերի գործարան: Մասնակցել է գործարանի առաջին արտադրանքի թողարկման աշխատանքներին, սկզբում որպես վարպետ, ապա լամպերի հավաքման արտադրամասի պետ: 1958-1961 թթ. եղել է գործարանի գլխավոր տեխնոլոգ, իսկ 1961-69 թթ.` գործարանի հատուկ կոնստրուկտորական բյուրոյի պետ: 1969 թ. նշանակվել է գործարանի և «Հայէլեկտրալույս» արտադրական միավորման գլխավոր ինժեներ: 1974-93 թթ. եղել է Երևանի «էլեկտրալամպերի գործարան»-ի տնօրեն և «Լույս» արտադրական միավորման գլխավոր տնօրեն: 1993-2000 թթ. «Լուսատեխնիկական» գործարանի տնօրենի խորհրդական, իսկ երբ 2000-ին գործարանն դարձավ «Գրանդ Սան» ընկերություն` զբաղացրեց գործարանի նախագահի խորհրդականի պաշտոնն:

1980 թ. ՀԽՍՀ-ն ր 60-ամյա հոբելյանի կապակցությամբ Օպերայի և բալետի թատրոնի վերակառուցման աշխատանքներին ակտիվ մասնակցելու և նորարարություն մտցնելու համար (օրիգինալ ջահերի ստեղծման) արժանացել է ՀԽՍՀ պետական մրցանակի դափնեկրի կոչման:

Ախալցխա քաղաքին հետևողական օգնություն ցուցաբերելու, քաղաքի թիվ 3 միջնակարգ հայկական դպրոցին բարձր մակարդակի շեֆական օգնություն ցուցաբերելու համար քաղաքային և շրջանային խորհուրդների համատեղ որոշմամբ` 1987թ. սեպտեմբերի 19-ին նրան շնորհվել է «Ախալցխայի պատվավոր քաղաքացու» կոչում:

1986 թ. հունիսի 10-ին նրան շնորհվել է «Սոցիալիստական աշխատանքի հերոս»-ի կոչում, շնորհվել է` «Լենինի» երկու (31.03.1981 և 10.06.1986 թթ.) շքանշան, «Հոկտեմբերյան Հեղափոխության» մեդալ (10.03.1976), Հայրենական Մեծ պատերազմի «2 աստճանի» երկու մեդալ (03.03.1945 և 11.03.1985), «Աշխատանքայնի կարմիր դրոշի» երկու շքանշան (08.08.1966 և 20.04.1971), «Արիության համար» մեդալ (02.10.1966):

Բ. Թումասյանն 1976 և 1986 թվականներին ընտրվել է ԽՍՀՄ XXV և XXVII համագումարների պատգամավոր: Արժանացել ՀԽՍՀ վաստակավոր ինժեների կոչման:

Մահացել է 2012 թվականի հունվարի 24-ին Երևանում: